ANA SÖZÜ

ARHİV

2010

2009

2008

2007

2006

2005

2004

2010

2009

2008

2007

2006

2005

2004


	"ORHON YAZILARINI YARATAN HALK HEM GAGAUZLAR - HEP O HALKTIR" (Valentin MOŞKOV, "Гагаузы Бендерского уезда", 1900 yıl)

Ceviz ay (sentabri) 2009, N 9 (532)

HABERLÄR

PRAVİTELSTVODA ENİ PREMYER

Ceviz ayın (sentäbri) 25-dä, Moldova Parlamentı kendi toplantısında Moldovanın Liberal-demokrat partiyasının predsedatelinı 40 yaşındakı Vlad FİLATı pemyer-ministr koydu.

V.VORONİN GİTTİ, G. GİMPU GELDİ

Ceviz ayın (sentäbri) 11-dä komunist partiyasının predsedateli Vladimir VORONİN Moldova prezidentliindän çekildi.

MOLDOVA PARLAMENTINDA ENİ SPİKER

Harman ayın (avgust) 28-dä Moldovanın eni parlamentı ilk toplantısında Liberal partiyanın predsedatelinı Mihay GİMPUyu 53 oylan spiker ayırdı.

CANNAR BİRLİKTÄ

Gagauziya Başkanın birinci yardımcısı Valeriy YANİOGLU yolladı bir acızgannık kiyadı Türkiyenın Başbakanına Recep Tayyip ERDOĞANa.

BÜÜKELÇİ GAGAUZİYADA

Geçän afta Gagauziyada bir vizitlän Moldovada Türkiye Büükelçisi Ahmet Ferit ÜLKER eşinnän birliktä bulundular. Vizit zamanında Canabileri Valkaneş kasabasınnan, Valkaneş Serbest ekonomika bölgesinnän, Tülüküüyü hem Çöşmäküü küülerinnän tanıştılar.

TİKA BEŞALMAYA

Eni üürenmäk yılına karşı Beşalma küüyün liţeyinä TİKAdan (Türkiye İşbirlii hem Kalkınma İdaresi) büük yardım geldi. Bu yardımnan klaslara masahem skemnä alındı.

YUBİLEY MEDALİSİ

Kırım ayın (dekabri) 23-dä Moldova Parlamentı tarafındam “Gagauziya (Gagauz Yeri) özel hak statusu için” Kanonun kabledilmesinin 15-ci yıldönümünü tamamnanêr.
Bu olaylan ilgili olarak Gagauziya Başkanı izin verdi kurmaa medali “15 лет АТО Гагаузия”.

FORUMDA DOKLAD

Bu ayın ilk payında Polşanın Krıniţa kasabasında olan Halklar arası ekonomika forumunda Gagauziya Başkanı okudu bir doklad: “Gagauziyan kuvet organnarının hem kuvettä olmayan kuruluşların arasında işbirlii – gelecek için dialog”.

VİZA REJİMİ

Evropa parlamentının deputatı Elena BÊSESKU (Rumıniya prezidentının kızı), Evroparlamentta konuşarak, açıkladı, ani Moldova vatandaşlarına deyni EBya (Evropa Birliinä) gezmäk için viza kolaylıkları verilsin läzım. Ölä nicä Balkan devletlerinin vatandaşlarına veriler.

GUMANİTAR YARDIMI

ÜNİSEF hem Moldovanın saaalık Bakannıı tarafından yapılan hem Dünnä Bankasının tarafından ödenän gumanitar yardımın ikinci payı Gagauziyaya etişti. Bu yardım “Saalıı korumak hem soţial koruntuları izmetleri” adlı proekt uurunnan yapılêr. Yardımın içindä greçka, oloy, ekin krupası, yaanı konservaları var.

“DİALOG” BİRLEŞTİRER

Harman ayın (avgust) 21-22-dä Rusiyanın Kaluga oblastinin Borovskoy rayonun Petrovo derevnäsında halklararası “Dialog” çadır lageri oldu. Orayı 250 kız hem çocuk (18-30 yaşında) Rusiyadan, BDTdan, Baltiyuadan hem Batı Evropadan katıldılar. Gagauziyayı “İleri” gençlik akıntısından iki kişi (Olesea GIRLÄ hem Aleksandr GEORGİŢA) temsil ettilär.

PAA 10,1% DÜŞTÜ

Moldovanın Energetika uurunda reglamentlar milli agenstvosu Ceviz ayın (sentäbri) 9-da bildirdi, ani vatandaşlara deyni gazın paası 10,1% indiriler. Bu kuvedä Ceviz ayın (sentäbri) 11-dän geçti.
Ona görä Agenstvonun başı Vadim ÇEBAN bildirdi, ani Ceviz ayı (sentäbri) için ödemelär esabı iki paydan yapılacek – 11-dän hem 11-dän sora paalara görä.

IX-cu ETNOFESTİVAL. GAGAUZİYA KATILMADI!