ANA SÖZÜ

ARHİV

2010

2009

2008

2007

2006

2005

2004

2010

2009

2008

2007

2006

2005

2004


	"ORHON YAZILARINI YARATAN HALK HEM GAGAUZLAR - HEP O HALKTIR" (Valentin MOŞKOV, "Гагаузы Бендерского уезда", 1900 yıl)

Kırım ay (dekabri) 2008, N 12 (523)

HABERLÄR

ENİ YILIMIZ KUTLUCA OLSUN!!!

Paalı dostlarımız!! Eni 2009-cu yıllan Canabinizleri kutlêêrız!

KANONUN 14-cü YILI BAKILACEK

Kırım ayın (dekabri) 23-dä tamamnanêr 14 yıl nice Moldova Parlamenti “Gagauziya (Gagauz Yeri) özel hak statusu için” Kanonu kabletti.
Bu gündä Gagauziyanın baş kasabasının kultura Evindä konţert hem yortuylan ilgili meropriyatiyalar olacek.

POLİŢİYÄ SİLÄH BULMUŞ

Kasım ayın 30-da Moldovanın poliţiyası Komratta bir garajda bir tepä siläh bulmuş. Poliţiya açıkladı, ani bu garaj İvan BURGUCUnun garajı, o üzerä da bu siläh onundur.
İvan BURGUCUnun tarafından yapılan açıklamada sölener, ani “bu siläh bulması Gagauziyaya hem ona karşı bir provokaţiya”
Bu konylan ilgili Gagauziya Halk Topluşu (GHT) deputatları da kendi açıklamalarını yaptılar. Onnar şaştılar, ani Moldova presasında “Gagauziyada terorist grupası için sölener”. Deputatlar urguladılar, ani gagauzlar terorizmaya ulaşmadılar.

LİŢEYÄ YAZICININ ADI VERİLDİ

Beşalma küüyün liţeyinä beşalmalı poetının Mina KÖSÄnin adı verildi.
Mina KÖSÄ (19.08.1933 - 25.11.1999 yy.) gagauz yazıcılarının ilk boyundan birisi. Sovetlär Birlii, Moldova hem Gagauziya yazıcılar birliin azası. Yaşamasında kolhosun komunist partiyası sekretari işledi, şkola direktoru hem Beşalma muzeyin direktoru oldu, Gagauziya kultura bölümün başı çalıştı.

BAŞKANDA TAA BİR YARDIMCI

Gagauziyada eni bir eni struktura kuruldu – erindeki halk kuvedinin Baş upravleniyası. GHT deputatları onun başına Födor Nikodimoviç GAGAUZu, “Edinaya Gagauziya” cümnä kuruluşun predsedatelini, koydular.
Födor GAGAUZ kendi eni erinä görä Gagauziya Başkanın yardımcısı oldu.

İŞ ADAMNARIN TOPLANTISI

Moldova alış-veriş Palatasının çalışmalarına görä Kırım ayın (dekabri) 21-24 günnerindä Moldovaya Türkiyedän işadamnarının bir delegaţiyası gelecek.