  
|
Canavar ay (oktabri) 2008, N 10 (521)
HABERLÄR
|
BAŞKANIN UMUDU
|
|
|
|
|
Canavar ayın 15-18 günneri arası Gagauziya Başkanı Mihail FORMUZAL Büükbritaniyanın Uilton parkında olan Halklararası konferenţiyada pay aldı. Kendi konuşmasında Canabisi Gagauziyanın kurulması hem yaşaması için annattı. Aalaştı, ani “Gagauziyanın özel hak statusu için” zakon “ne enilener, ne da bütünnüünä bakılêr”. Başkan umut etti, ani “çoklu halklararası konfliktların çözülmesindä Moldova Respublikası becerecek göstermää islää bir örnek bütün dünneyä”. |
|
|
|
18 YIL GEÇTİ
|
|
|
|
|
Canavar ayın (oktäbri) 25-dä tamamnandı onsekiz yıl o gündän, nicä gagauzlar geeri kuudular Gagauz Respublikasına karşı gelän 30 binä yakın moldovan volontörla-rını. Unutmayalım, ani yolladıydı onnrı ozamnkı premyer-ministr Mirça DRUK. |
|
|
|
GENÇLİK PRAVİTELSTVOSU
|
|
|
|
|
Gagauziya İspolkomun kararına görä Gagauziyada Gençlik Pravitelstvosu kurulacek. Pravitelstvoya, konkursa görä, 16-25 yaşındakı gençlär gireceklär. Bu Pravitelstvo iki yılına kurulêr. |
|
|
|
ROMIN DİLİNİ ÜÜRENECEKLÄR
|
|
|
|
|
Moldovanın evropalı instruktorların Milli asoţiaţiyasının hem ilerlemäklän soşial iniţiatıvaları İnstitutun tekliflerinä görä 2009-cu yılın Büük ayın (yanvar) onbeşinä-dan Gagauziyadan 218 kişi romın dilini üüreneceklär. O kişilerin arasında Gagauziya öndercileri, doktorlar, yuristlär, buhgalterlar var.
Proektın harçlarını OBCEnin milli azınnıklarına bakan Baş komisariatı karşılêr. |
|
|
|
ULIM REKTORUNA KIYMETLİ AD
|
|
|
|
|
Gagauziyanın İspolkomunun kararına görä Kişinevdakı ULIM Universitetın rektoruna Andrey GALBENa “Gagauziyanın kıymetli pedagogu” adı verildi. Bu ad sayın rektora verildi o üzerä, ani Canabisi her yılın Gagauziyadan üürencilerä ULIMda er verer hem çalışêr, ani o studentlär universitetı islää bitirsinnär. |
|
|
|
Vladimir PUTİN GELECEK
|
|
|
|
|
Kasım ayın (noyabri) 14-dä Kişinevda BDT pravitelstvoları başkannarı Sovetinin toplanntısı olacek. Toplantıya Rusiya Pravitelstvosunun Predsedateli Vladimir PUTİN da katılacek. Planda var, ani o günü Vladimir PUTİN Moldova prezidentı Vladimir VORONİNnan hem premyer-ministru Zinaida GREÇANAYAylan buluşacek. |
|
|
|
SAMMİT OLACEK
|
|
|
|
|
Kırgızstanın baş kasabasında olan BDT (Birleşik Devletlär Topluluu) devlet başkannarın toplantısında karar alındı, ani gelän yıla bu toplantı Kişinevda Canavar ayın (oktäbri) 9-da olacek. |
|
|
|
KİŞİNEVUN YILDÖNÜMÜ
|
|
|
|
|
Canavar ayın 14-dä Moldovanın baş kasabası Kişinev kendi 572-ci yıldönümünü kutladı. Yortuylan ilgili olarak “Milli toplantısı meydanında” konţert hem feyerverk oldu. |
|
|
|
SİMFONİYA KONŢERTI
|
|
|
|
|
Bu ay Moldovada Rusiya Federaţiyasının kultura Günneri oldu. Bu Günnär çerçevesindä Gagauziyanın baş kasabasında Rusiyanın Osipov adına anılmış simfoniya ansamblisi bir kon.ert gösterdi. |
|
|
|
CALTAYDA BORAN ÖRTÜLERİ ALDI
|
|
|
|
|
Canavar ayın (oktäbri) 5-dä avşamneyin Caltay küüyünü bir boran bastı. Büük hem kuvetli lüzgär birkaç evin örtülerini aldı hem kimi erlerdä elektrika tellerini kopardı. Başka bir zarar insannara olmadı. |
|
|
|
“GAGAUZ ŞARABIN YORTUSU”
|
|
|
|
|
Bakmadaan ona, ani bütün Moldova “Şarap yortusunu” Canavar ayında (oktäbri) kutlêêr, Gagauziya kendi “Gagauz şarabın yortusu” festivalini Kasımın 2-dä bakacek. Festivaldä 18 nominaţiyada yarış olacek. |
|
|
|
ÜÜREDİCİLERİN ZARPLATASI
|
|
|
|
|
Moldovanın ekonomika hem alış-veriş bakanın yardımcısı Serciu SAİNÇUK, Moldova Pravitelstvo-sunun toplantısında, açıkladı, ani 2009-cu yılın Büük ayın (yanvar) birindän üüredicilerin zarplatası 10-15% zeedelenecek.
Hep o toplantıda bakanın yardımcısı Serciu SAİNÇUK bildirdi, ani zarplatanın eni zeedelenmesi taa sora 2009-cu yılın Canavar ayın (oktäbri) birindän olacek. |
|
|
|
“SOVET BEZOPASNOSTİ”
|
|
|
|
|
Canavar ayın (oktäbri) 28-dä Komratta “Sovet bezopasnosti” toplantısı oldu. Toplantıyı Gagauziya Başkanı Mihail FORMUZAL götürdü. Bu toplantıda Sovetin azaları teklif ettilär Başkana Gagauziya İspolkomunun hem Halk Topluşunun ortak toplantısında erindeki kuvetlerin Ministerstvo-sunun temsilcisinin Gagauziya işlerinä haksız karışmasını incelemää. |
|
|
|
KARDAŞLIK HEM İŞBİRLİİ
|
|
|
|
|
Gagauziyanın Komrat rayonu hem Biyazrusiyanın Klimoviçi rayonu arasında yakınnarda bir işbirlii hem kardaşlık protokolu imzalanacek. Şindi o protokolun ana punktları incelener hem hazırlanêr.
Biyazrusiyanın başka rayonnarın-nan bölä protokollar Çadır hem Valkaneş rayonnarı artık imzaladılar.
|
|
|
|
BENZİN UCUZLANÊR
|
|
|
|
|
Canavar ayın (oktäbri) içindä benzinin paası Moldovada üç kerä ucuzlandı. Bu olêr o beterä, ani dünneyda neft paaları aşaa düştü. Ne olacek paalarlan ileri dooru hiç birisi bilmeer. |
|
|
|
|
