ANA SÖZÜ

ARHİV

2010

2009

2008

2007

2006

2005

2004

2010

2009

2008

2007

2006

2005

2004


	"ORHON YAZILARINI YARATAN HALK HEM GAGAUZLAR - HEP O HALKTIR" (Valentin MOŞKOV, "Гагаузы Бендерского уезда", 1900 yıl)

Kirez ay (iyun) 2008, N 6 (517)

HABERLÄR

HERKEZİNÄ KENDİ TRANSPORTU UYÊR

Bu patreti Kirez ayın (iyün) 13-dä saat 11:21-dд Komratta yaptık. Taman bu vakıt İspolkomun binasında Gagauziya Başkanı Gagauziyaya gelän Türkiyenin delegaţiyasınan buluşardı.

“ATATÜRK” BİBLİOTEKASI – 10 YAŞINDA!

Komratta bulunan “ATATÜRK” bibliotekasının kurulmasından 10 yıl tamamnandı.

GAZ PAASI GENÄ ZEEDELENDİ

Rusiyadakı “Gazprom” bildirdi, ani çekedip önümizdeki ayın birisindän Moldovaya deyni verilän gazın bir bin m³ paası 240 dolar olacek.

AAÇLIK GENÄ Mİ OLACEK?

Moldovada paalar korkunç üüselerlär. Biri-biri ardı kalktı onnar yakıtlara, sora da iyecek mallara. Bu paaların önünä hiç birisi çıkamêêr. Bölä olarsa yakınnarda insannar hem önemli iyecek mallar için para bulamayaceklar. Bundan kaare, aaçlık beterinä, insannarın saalıına zarar olacecek. Bu yolda Moldova devletinin hem Gagauziyanın gelecää hiç diil belli.

SAPANCA ŞİİR AVŞAMNARI

Kirez ayın (iyün) 25-28 günneri arası Tьrkiyenin Sapanca kasabasında VIII-ci Halklararası Şiir avşamnarı geçer. Burayı poetlar Vasi FİLİOGLU, KARANFİL hem Todur ZANET katılêrlar. Bundan kaarä Şiir avşamnarında bir konţertlan Pötr hem Aleksandr PETKOVİÇlär hem da İvan hem Sergey ÇERNEVlar pay alaceklar.

GAGAUZİYA DELGAŢİYASI – ALBANİYADA

Kirez ayın (iyün) 23-27 günneri arasında Gagauziyanın Başkan yardımcısı Valeriy YANİOGLUnun başkannıı altında bulunan Gagauziyanın delegaţiyası bir tanışmak vizitlän Albaniyaya gitti. Vizit “Gagauziyanın erindeki ekonomika ilerlemesi strategiyasınnan” ilgili olarak oldu.

İSTANBULDA GAGAUZİYA KULTURA GÜNNERİ

Kirez ayın (iyün) 27-dä İstanbulda Gagauziyanın Kultura Günneri başladı. Orada Gagauziyadan 30 kişilik bir delegaţiya pay alêr. Onnarın arasında gagauzların anılmış “Düz Ava” ansamblisi da.
Kultura Günneri Gagauziyanın delegaţiyasının İstanbul sokaklarında örüyüşünnän başladı. Sora da İstanbulun açık bir meydanında konţert gösterilecek.

“KADINCA” – GENÄ BİRİNCİ!

Biyazrusiyanın Klimoviçi kasabasında olan “Zolataya pçölka” (“Altın kuvancık”) adlı uşak yaratmaları festivalindä 12 devlettän ansamblilär pay aldılar.
Bu festivaldд gran-pri ödülünü Komrattan “Kadınca” ansamblisinin uşak kolu aldı.

GAGAUZİYA HEM KAZAYAK İÇİN ÇALIŞÊR