ANA SÖZÜ

ARHİV

2010

2009

2008

2007

2006

2005

2004

2010

2009

2008

2007

2006

2005

2004


	"ORHON YAZILARINI YARATAN HALK HEM GAGAUZLAR - HEP O HALKTIR" (Valentin MOŞKOV, "Гагаузы Бендерского уезда", 1900 yıl)

Kasım (noyabri) 2007, N 11 (510)

HABERLÄR

DİLLÄR İÇİN PARA

Moldova Pravitelstvosu moldovan hem gagauz dilin Gagauziyada üürenmesi için 13 milion ley verecek. Bu paranın kullanılması için Gagauziya üüredicilik Upravleniyası şkolalardan teklifleri bekleer.

“GAGAUZİYANIN HABERLERİ”

Gagauziyada rusça çıkan “Вести Гагаузии” gazetası çekedip bu aydan “Gagauziyanın haberleri” adlı gagauzça eklemä çıkarmaa başladı. Bakmadaan ona, ani o gagauzça taa yakın Türkiye türkçesinä genä dä kollegalarımızı kutlêêrız. Umut var, ani bu eklemä gagauzçada kendi lääzımnı erini kaplayacek.

KONFERENŢİYA OLDU

Komratta “Moldovanın üülen tarafının çıfıtların kultura varlıı” adlı bilim konferenţiyası oldu. Konferenţiyada Gagauziya Başkanı Mihail FORMUZAL hem İzrailin Ukraynada Büükelçiliin birinci sekretari Bella GOLDENBERG pay aldılar.
Konferenţiya zamanında Komrat rayon bolniţasının duvarında, bolniţasının ilk doktoruna İsaak GURFİNKELä barelyef açıldı.

İLERLEMÄ KURSUNNAN

Rusiya Bilimlär Akademiyası, “N. N. Mikluho-Maklay” adına etnologiya hem antropologiya İnstitutun etnikarası ilişkilerin aaraştırma Merkezi, Moldova Respublikasının kultura varlıı İnstitutu hem Komrat Devlet Universiteti taraflarından hazırlanan “Курсом развиающейся Молдовы” bilim kiyadı tipardan çıktı. Kiyadın redaktoru M. N. GUBOGLU. Kiyadın hazırlayanı – L. V. FEDOTOVA.
Kiyatta “Adaptaşiya kuturası hem kulturanın adaptaşiyası” adlı II-ci Rusiya-Moldova bilim Simpoziumun materialları er buldu.

ASLI HERZAMAN ÜZÄ ÇIKÊR

“Paalı redakşiya, geçennerdä Gagauziyanın televideniyasında bir dokumental film gösterdilär: “KARABAH DÜÜMÜÜ”. Bu film canımı dalgalandırdı. Gözlerimdän durmamayca yaşlarım aktı. Bu aslıyı bizdän hep saklı tuttular. Karabah için sade sovet haberlerini alardık. Onnarın çoyu da yalancı çıktı. Dooruluk başka renktäymiş.
Gazetanızın sayfalarından şükür ederim hepsinä, kim bu filmı bizä gösterdi. Aslı herzaman üzä çıkêr”.

GAGAUZLUU ONDAN ÜÜRENERLÄR