ANA SÖZÜ

ARHİV

2010

2009

2008

2007

2006

2005

2004

2010

2009

2008

2007

2006

2005

2004


	"ORHON YAZILARINI YARATAN HALK HEM GAGAUZLAR - HEP O HALKTIR" (Valentin MOŞKOV, "Гагаузы Бендерского уезда", 1900 yıl)

Canavar ay (oktabri) 2007, N 10 (509)

HABERLÄR

“ENİ BOYLAR” KURULUŞUNA YARDIM ETİŞTİ

Gazetamızın geçän sayısında artık annatık, ani TİKA tarafından Çadırda bulunan “ENİ BOYLAR” cümnä kuruluşunun “MAAZALARA ALTERNATİVA” gençlik Merkezinä 6400 EUROlık yardım yapılacek.

BÜÜKELÇİLİİ ENİ BİNASI AÇILDI

Canavar ayın (oktäbri) 10-da Moldova Azerbaycan Büükelçilinn eni Binası açıldı. Azerbaycan Büükelçisi İsfandiar VAHABZADE teklifinä görä açılışta Moldova Bakannarı, diplomat missiyaların temsilcileri, Moldovda Türkiye Büükelçisi, Gagauziya öndercileri hem Moldovada azerbaycan diaspora temsilcileri pay aldılar.
Kısa bir sözdän sora, Büükelçisi İsfandiar VAHABZADE, Azerbaycan Gimnası çalınarkan, binanın aulunda bulunan bayrak direenä, Azerbaycan Respublikasının bayraanı kaldırdı. Nedän sora da Binanın girişindä şirit kesildi.

EN İSLÄÄ JURNALİSTLÄR

Moldovada jurnalistlär arasında her yılın yapılan yarışmada Gagauziyanın jurnalistleri da nışannandılar. Gagauziyadan en islää jurnalist olarak Dmitriy POPAZOGLU (“Edinaya Gagauziya” gazetası) tanındı. GRT jurnalistinä Ekaterina MANİTAya da hatır diploması verildi.

M. MARUNEVİÇin 70-ci YILDÖNÜMÜ

Canavar ayın (oktäbri) 26-da gagauz kultura insannarı raametli gagauz bilim, kultura hem cimnä insanının Mariya MARUNEVİÇin 70-ci yıldönümünü baktılar. Komrat devlet Universitetindä Mariya MARUNEVİÇin anması için bir bilim konferenţiyası oldu.

TÜRKİYENİN KURULUŞUNUN 84 YILDÖNÜMÜ

Pazertesi Canavar ayın (oktäbri) 29-da Türkiye Respublikasının Moldovada Büükelçisi Fatma Fırat TOPÇUOĞLU hanımefendi Türkiye Respublikasının kuruluşunun 84-cü yıldönümünnän ilgili bir reçepţiye verdilär.