ANA SÖZÜ

ARHİV

2010

2009

2008

2007

2006

2005

2004

2010

2009

2008

2007

2006

2005

2004


	"ORHON YAZILARINI YARATAN HALK HEM GAGAUZLAR - HEP O HALKTIR" (Valentin MOŞKOV, "Гагаузы Бендерского уезда", 1900 yıl)

Hederlez (may) 2007, N 5 (504)

HABERLÄR

PRIMARIYALARA KİM SEÇİLECEK?

Kirez ayın (iyün) 3-dä Moldovada primarların hem primariya sovetniklerin seçimneri olacek. Partiyalardan hem cümne akıntılardan kaare, seçimä çok baamsız kandidat ta katılêr.

ENİ AZERBAYCAN DAYMALARDA YAŞAYACEK

Hederlez ayın (may) 26-28 günneri arası Moldovada Azerbaycan respublikasının kultura Günneri geçecek. Bu iş, eni istoriyada, iki respublikanın arasında seftä olêr. Kultura günnerin öncesindä biz buluştuk Moldovada Azerbaycan Büükelçisinnän İsfendiyar VAHABZADElän.

İ. BURGUCUya SUD OLACEK MI ACABA?

Taa doorusu bu sud artık onbeş yıl hiç bitmeer. Bitmeer, zerä Moldovada kuvettä bulunan kişilär prost edämeerlär İvan BURGUCUya onu, ani Gagauz devletliinin, Gagauz Respublikasının, Gagauz askerinin kurmasında o en önemli, en büük rolü aldı.

UŞAKLAR GÜNÜ

Kirez ayın (iyün) 1-dä dünnedä uşaklar Günü bakılacek. Bu yortu Birleşik Milletlär Topluluu tarafın-dan kuruldu.

“AFGANNILAR” ASKERLERİNÄ PAMÄTNİK

Hederlez ayın (may) 20-dä Kişinêunun Rışkanı bölgesindä, eski Sovetlär Birlii zamanında Afganistanda cenk edän 12 bin Moldovalı soldatlarına (onnarın arasında cengtä 305 kişi öldürüldü, 550 yaralandı, 232 sakat kaldı) pamätnik açıldı.
İrmi milion leylik Pamätniin açılışını Moldova Prezidentı Vladi-mir VORONİN yaptı.
Açılışta BDT devletlerin Soveti-nin yanında bulunan internaşinalist-askerlerin iºlerinä bakan Komisiya baºı Ruslan AUŞEV pay aldı.

ENSEYİŞ GÜNÜ

Hederlez ayın (may) 9-da bütün eski Sovetlär Birlii devletlerindä II. Dünnä Cengindä enseyiş Günü bakıldı.
Bu gündä Moldovada da, Gagauziyada da diri kalan veterennarı kutladılar hem cengtä enseyiş için cannarını verän soldatların mezarlarına çiçek koydular.

SU PROJESİ İLERLEYECEK

Türkiye yardımınnan yapılan Gagauziyada içmä su projesinin ilerlemesi için, gelän aftaya TİKAnın Kişinêu ofisindä tender olacek.

GRTyı KİM SOYDU?

Hederlez ayın (may) 9-10 gecesindä Gagauz radio-televideniye (GRT) merkezini basıp, hırsızlar 100 bin leydän zeedä yapan mal (kompyuterlar hem videokameralar) oradan çıkardılar.