Kasım (noyabri) 2006, N 11 (498)
HABERLÄR
|
TÜRK GAZETECİLERİN I-ci BULUŞMASI
|
|
|
|
|
Kasımın 16-19 günneri arası Türkiyenin Edirne kasabasında “Balkandakı türk gazetecilerin I-ci buluşması” toplantısı oldu. Toplantıyı Edirne valisi hem Edirnedä bulunan Güneydou Evropa gazetecilär Dernää hazırladılar.
Toplantıya Bulgariya, Kosovo, Makedoniya, Moldova, Romıniya, Serbiya hem Greţiya devletlerindän türk gazetacıları katıldılar.
Birliktä çalışmaların sonunda türk gazetacıları bir açıklama yaptılar. Açıklamaya görä neettä var, bütün Balkan haberleri dünneyä bildirmäk için, ilktän ortak bir Web-sayfası açmaa, sora da “Balkan Haber Ajansı” kurmaa. |
|
|
|
“BÜÜLÜ MAAZA” ENİDÄN SŢENADA
|
|
|
|
|
“Mihail ÇAKİRin” adına Gagauz Milli Teatrusu sţenaya enidän “Büülü maaza” spektaklisini (rejisör Mihail KONSTANTİNOV) koydu. Spektaklinin premyerası pyesayı yazan avtorun, Todur ZANETin, ana küüyündä Kongazda oldu. Sora da, Kasım günündä, teatru spektakliyi Çadır kasabasında gösterdi.
|
|
|
|
TEATRU FESTİVALİ
|
|
|
|
|
Kasım ayın 27-dän Kırım ayın (dekabri) 3-dän Kişinêuda III-cü milli Teatru festivali geçer. Festivalä “İki potmarcık” pyesaylan “M. ÇAKİR” adına gagauz Milli teatrusu da katılacek. |
|
|
|
D.KARA ÇOBANın RESİM SERGİSİ
|
|
|
|
|
Kasım ayın (noyabri) 8-dän beeri ayın sonunandan Gagauziyanın resim galereyasında çok paalı hem önemli bir sergi oldu - raametli gagauz yazıcının Dmitri KARA ÇOBANın resimneri insannara açıldılar. Sergidän sora, bu resimnerin çoyu restovraţiyeyä yollanaceklar. |
|
|
|
GENÇLİK MERKEZİ AÇILDI
|
|
|
|
|
Kasım ayın 23-dä Komratta Gagauziyanın ilk Gençlik Merkezi açıldı. Merkezim kurulması için paralar çeşitli erlerdän geldi: Gagauziyanın İspolkomu 300 bin ley verdi; Moldova Respublikasının soţial invistiţiyaları fondu 80 bin ABD doları verdi; Moldovadakı UNİSEF temsilcilii 9 bin ABD doları verdi. |
|
|
|
“KASIM” YORTUSUNU KUTLADIK
|
|
|
|
|
Kasımın 8-dä gagauz halkı kendi en büük, en önemli, en paalı yortusunu – “KASIM” yortusunu – kutladı. Gagauziyanın kasabalarında hem küülerindä yarışmalar, sergilär, konţertlär hem başka şenniklär oldular. |
|
|
|
ATATÜRK BİBLİOTEKASINDA BASIN MERKEZİ
|
|
|
|
|
Gagauziya Başkan seçimnerindä akreditaţiya alan jurnalistlerä kendi haberlerini dünneyä bildirmää kolay olsun deyni, Türkiye Moldova Büükelçilii Komratta bulunan ATATÜRK bibliotekasında bir basım merkezi açtı. Merkezä fax hem internetä baalı kompyuterlar kuruldu. Bu verer kolayını seçim için haberleri ON-LINE rejimindä vermää.
|
|
|
|
TÜRKİYE GÖZLEMCİ OMAYACEK
|
|
|
|
|
Moldovada bulunan OBSE şêfleri Gagauziya seçim kompaniyasına gözlemci diplomatları seçärkenä Türkiye Moldova diplomatlarına gözlemci statusu vermedilär. |
|
|
|
BAŞKAN SEÇİMNERİNÄ MONİTORİNG
|
|
|
|
|
Gagauziya Başkan seçimneri dooru hem raat geçsinnär deyni Moldovada bulunan Evropa Birlii devletlerin Büükelçileri Gagauziya-da seçim kompaniyasına durmamayca monitoring yapêrlar. |
|
|
İSTORİYA
|
