Canavar ay (oktabri) 2006, N 10 (497)
HABERLÄR
|
“İGRAY, GARMONY!”
|
|
|
|
|
Ceviz ayın (sentäbri) 25-dä, Gagauziyada dört gün bulunan Genadiy ZAVOLOKİN adına Rusiya “İgray, garmony!” kultura merkezin ansamblisi Komratta bir konşert verdi. Bu konţerttä Gagauziyanın “Düz ava” ansamblisi hem erindeki artistlär pay aldılar.
Gagauziyada çıkarılan “İgray, garmony!” programası Kasımın (noyabri) ilk pazarı günü Rusiyanın 1-ci televiziya kanalında gösterilecek. |
|
|
|
MOLDO-RUS SİMPOZİUMU
|
|
|
|
|
Ceviz ayın (sentäbri) 24-26 günneri arasında Komratta “Sovetlerdän soradakı Moldovada transformaţiyalı proţeslar” adlı I-ci halklar arası moldo-rus Simpoziumu oldu. Simpoziumda Rusiya hem Moldova Bilim Akademiyasından, Komrat Devlet Universitetından bilim adamnarı pay aldılar. |
|
|
|
“2006 – ŞARAP FESTİVALİ”
|
|
|
|
|
Artık adetä döndü, ani Canavar ayında (oktäbri) Moldovada hem Gagauziyada şarap yortusu olêr. Bu yıl yortu ayın 8-nä düştü.
Gagauziyada “2006 – şarap Festivali” Komratın merkez meydanında oldu. Yortuya bütün Gagauziyadan şarapçılar katıldı. Festivaldä çeşitli nominaţiyalarda ödüllär verildi. |
|
|
|
MOTOKROS
|
|
|
|
|
Motokros gagauz milli sportu diil. Ama bitki vakıtlar o halizdän bizim oldu. İlktän bizim sportsmennar Moldovada hem Ukraynada olan motokros yarışlarına katılmaa başladılar. Sora da, Komratta bir motokros trasası düzüp, orayı bu devletlerdän sportçuları teklif etttilär. Bunu, Gagauz öndercilerindän izin alıp, sport veteranı Semön KISA yaptı. Son motokros yarışması, Gagauziya Başkanı G.TABUNŞÇİK kanadı altında, Komratta Canavar ayın (oktäbri) 15-dä oldu. |
|
|
|
Yuriy PALİK ADINA TURNİR
|
|
|
|
|
Bir yıl geeri raametli oldu pek talantlı genç kongazlı – Yuriy PALİK. Bütün kısa yaşamasında o pek sevdi basketbolu hem başarılı oldu bu oyunda.
Yuriy PALİKin anmaa deyni, kongazda bir basketbol turnirı oldu. Turnirä Kongazdan, Komrattan hem Kırlannardan (Kotovskoe) komandalar katıldılar. |
|
|
|
BÜÜKELÇİ GAGAUZİYADAYDI
|
|
|
|
|
Gagauziya İspolkomun basım izmeti bildirdi, ani Canavar ayın (oktäbri) 10-da Gagauziya Başkanı Georgiy TABUNŞÇİK Komratta Amerika Birleşik Devletlerin (ABD) Moldovada Büükelçisinnän Maykl KERBİylän hem onun eşinnän buluştu. |
|
|
|
RUSİYADAN DEPUTATLAN BULUŞTU
|
|
|
|
|
Gagauziya İspolkomun basım izmeti açıklamasına görä Canavar ayın (oktäbri) 10-da Başkan Georgiy TABUNŞÇİK Rusiyanın Devlet Dumasının deputatınnan Olga SELİVERSTOVAylan buluştu.
Buluşmak Olga SELİVERSTOVAnın teklifinä görä oldu. Rısiya deputatı Gagauziyaya avtonomiyaylan tanışmaa hem Büük Cengin veterannarına para yardımın yapmak sebepinnän ilgili olarak geldi. |
|
|
|
M. KENDİGELÄN – ŞANNI VATANDAŞ
|
|
|
|
|
Gagauziya Respublikasının kurucularından birisi olan Mihail KENDİGELÄN Canavar ayın (oktäbri) 4-dä 65 yaşını tamamnadı. Bu olaylan ilgili olarak, Gagauziya Başkanı Georgiy TABUNŞÇİK imzaladı karar, angısına görä M. KENDİGELÄNä “Gagauziyanın şannı vatandaşı” adı verildi.
|
|
|
|
AVDARMAYA ENİ YOL
|
|
|
|
|
Moldova Prezitentin Vladimir VORONİNın izininä görä Avdarmada 4,2 km yol hem bir eni köprü yapıldı. Yolun hem köprünün ofiţial açılışı Canavar ayın (oktäbri) 12-dä oldu.
Açılış yortusunda Prezitent V. VORONİN, Başkan G. TABUNŞÇİK, GHT Başı S. ESİR pay aldılar. |
|
|
|
PREZİDENT SEÇİMNÄRLÄN MERAKLANÊÊR
|
|
|
|
|
Canavar ayın (oktäbri) 21-dä Gagauziyaya gelän Moldova Prezidenti Vladimir VORONİN Gagauziyada olacek Başkan seçimnerinnän ilgili sorularlan meraklandı. O buluştu “G. Gaydarcı” adına liţeydä aktivlan hem Merkez seçim komisiyanın (MSK) azalarınnan.
|
|
|
|
