Kirez ay (iyun) 2006, N 6 (493)
HABERLÄR
|
GAGAUZİYANIN ŞANNI VATANDAŞI
|
|
|
|
|
Gagauziya İspolkomunun hem GHTnın barabar kararınnan Moldova Prezidentinä Vladimir VORONİNa Gagauziyanın şannı vatandaşlıı verildi.
Bu ödüllän, Gagauziya büükleri prezidentin Gagauziyaya hem gagauzlara yaptıklarını tanıdılar. |
|
|
|
V.TARLEV KOMRATI HEM ÇADIRI GEZDİ
|
|
|
|
|
Moldova premyer-ministrusu Vasiliy TARLEV Kirez ayın (iyün) 27-dä bir vizitlän Gagauziyada bulundu. Vizit zamanı, Gagauziya büüklerinnän barabar, Vasiliy TARLEV Komrat hem Çadır predpriyatiyalarınnan tanıştı.
Günün sonunda Moldova premyer-ministrusu Gagauziya aktivinnän bir toplantıda buluştu.
|
|
|
|
MEDİKLÄR KUTLANILDI
|
|
|
|
|
Kirez ayın (iyün) 18-zi Moldovada hem Gagauziyada mediţina hem farmaţevtika Günü olarak bakılêr. Bu sebeplän Gagauziya Başkanı Georgiy TABUNŞÇİK imzaladı iki karar, angılarına görä edi doktora hem farmaţevta Gagauziya Başkanın hem GHTnın şannı gramotaları baaşladı hem beş doktora da “Gagauziyanın saalık korumasının şannı zaametçisi” adı verdi.
|
|
|
|
ASKER ATAŞELARI GAGAUZİYADA
|
|
|
|
|
Moldovada çalışan onaltı diplomatik temsilcilerinin asker ataşeları Hederlez ayın (may) 30-da Gagauziyada buluındular.
Ateşalarlan buluşan Gagauziya Başkanı Georgiy TABUNŞÇİK hem GHT Başı Stepan ESİR annattılar onnara avtonomiyanın politika, soţial hem ekonomika durumunu.
|
|
|
|
ÇOK-MEYDAN KÜÜYÜ 200 YAŞINDA
|
|
|
|
|
Kirez ayın (iyün) 1-dä Çok-Meydanda küüyün kurbanını baktılar hem küüyün kurulma gününün 200-cü yıldönümünü kutladılar.
Yortuda, musaafir olarak, Gagauziya Başkanı Georgiy TABUNŞÇİK hem Moldova vişe-premyer-ministrusu Valerian KRİSTÄ pay aldılar.
|
|
|
|
SÖZLÜÜN PREZENTAŢİYASI
|
|
|
|
|
Kirez ayın 21-dä Komratta rusçagagauzça-türkçä-romınca sözlüün (35 bin laf) prezentaţiyası oldu. Sözlää “Poliglot” adı verildi. Hazırladılar onu bukureşli Viktor Georgieviç GENOV (kendisi Çadırda duudu, şindi raametli) hem çadırlı Êmanuil KIRMIZI.
|
|
|
|
STUDENTLERİNÄ YARDIM İÇİN
|
|
|
|
|
Komrat devlet Universitetın (KDU) studentlerinä yardım için Gagauziya Başkanı Georgiy TABUNŞÇİK bir karar imzaladı, angısına görä Başkanın yanında studentlik klubu kurulêr. Bundan kaare studentlerä özel stipendiyalar verilecek, Gagauziya İspolkomunun toplantılarında da seçilän studentlär pay alaceklar, praktika geçmää kolaylık verilecek.
|
|
|
|
FESTİVALÄ KATILDILAR
|
|
|
|
|
Nicä bildirdi Çadır kasabasının regional duhovoy orkestranın öndercisi Vasiliy İVANÇUK duhovoy orkestra bu yıl Biyazrusiyada olan duhovoy orkestra festivalindä musaafir olarak pay aldı.
|
|
|
|
KONGAZ KÜÜYÜN KURBANI
|
|
|
|
|
Kirez ayın 12-dä kongazlılar küüyün kurbanını baktılar. Bu yortuda onnara musaafir Gagauziya Başkanı G. TABUNŞÇİK hem GHT Başı, kongazlı, S. ESİR geldilär.
|
|
|
|
ÇADIRA İÇMÄK SUYU GELECEK
|
|
|
|
|
Gagauziyanın Çadır kasabasına içmäk suyu verilmesi için” tenderı kazanan “Uluanak İnşaat Ltd. Şti.” türk firması çalışmalarına başladı.
1.050.000 ABD doları yapan çalışmalarını firma yazın sonunadan başarmaa düşüner. |
|
|
|
DAMGA URACEKLAR
|
|
|
|
|
Moldovada alınan karara görä ev hayvannarına hepsinä damga urulacek. Damgada hayvannarın kodu yazılacek. Ona görä hepsi hayvannar yazı altına alınacek. |
|
|
İSTORİYA
HALK YARATMASI (FOLKLOR)
|
MAANİLÄR (№6, 2006)
|
|
|
|
|
№71
Kaledän öküz bakar.
Öküzün annı sarkar.
Sakallıya kim bakar?
Ter bıyık, ürek yakar.
№72
Ay minari, minari,
Yan kapuda dönärim.
Yär içerdä sefaada,
Bän dışarda donarım.
№73
Kalä boyu saz olur.
Saz açılır yaz olur.
Bän yärimä gül demäm,
Gülün ömürü az olur.
№74
Kuprivalar çalkanır.
Bir kız gördüm yıkanır.
Altınnarı bizdädir,
Öküzleri bizdädir.
№75
Gemi gelir denizdän,
Direkli kirezdän.
Punar başı taftalı,
Suda oynar ak balık.
№76
Aul boyu gül-fatma.
Var git, olan, laf katma.
Darı demedim, dizledim.
Bän yärimi özledim.
№77
Durma dilber karşımda,
Dilsin benim yaşımda.
Kimsa benim yaşımda,
Gelsin, dursun karşımda.
¹78
Bir ok attım yamaca,
Bir kış urdum alaca.
Bän yärimi tanırım:
Gözäl kalpacıı alaca.
|
|
|
|
BİLMECELÄR (№6, 2006)
|
|
|
|
|
73. Çort oturu, çort gibi.
Aazı kara kurt gibi. – O fırın.
74. Bir öküzüm vardır,
İyer doymas. – O fırın.
75. Vardır damda bir al kısıraam.
Açan girer kara haygır, hepsini uradayor. – O gırbaçka. |
|
|
İNCÄZANAAT
|
