Kırım ay (dekabri) 2005, N 12 (487)
HABERLÄR
|
KANONUN KABLEDİLMESİNİN 11-ci YILDÖNÜMÜ
|
|
|
|
|
Kırım ayın 23-dä Gagauziyeda Moldova Parlamentı tarafından “Gagauziya (Gagauz Yeri) özel hak statusu için” Kanonun kabledilmesinin 11-ci yıldönümünü kutlandı.
Kutlamak programasında yortulu toplantı, konşert hem toplantıya katılan musaafirlerä imäk verilmesi vardı. Yortuda Kişinêudan musaafirlär, diplomatlar hem çeşitli misiyaların azaları pay aldılar. |
|
|
|
KALKINTININ 100-cü YILDÖNÜMÜ KUTLANACEK
|
|
|
|
|
Gagauziya Bakannık Komitetı (İspolkom) kabletti Karar, angısına görä 1906-cı yılın Büük ayın (yanvar) 6-da olan Komrat çiftçilerin kalkıntısının 100-cü yıldönümümü kutlanacek.
Karara görä Gagauziyeda toplantılar, bilim-praktik konferenşiyası, başka meropriyatiyalar olacek.
Komrat kalkıntısına anmak taşı kurmak için izin almaa deyni Gagauziya İspolkomu Moldova pravitelstvosuna danışacek. |
|
|
|
KDUda ENİ REKTOR
|
|
|
|
|
Kırım ayın 8-dä olan Komrat Devlet Universitetın (KDU) senat toplantısında KDUnun eni rektoru M.F. KARA seçildi.
Kurallara görä M.F.KARAnın kandidaturası Moldova üüredicilik, gençlik hem sport Bakannıı tarafından da kabledilsin lääzım.
|
|
|
|
KULTURA MERKEZİ AÇILDI
|
|
|
|
|
Komrat Devlet Universitetindä (KDU) birkaç devletin (nemşelerin, amerikalıları) kultura Merkezleri var. Şindi onnarın yanında angliyalıların kultura Merkezi da açıldı.
Merkezin açılışında Moldovadakı Büükbritaniyanın Büükelçisi, Gagauziya GHT Başı S.ESİR hem onun yardımcısı O.P.Radova pay aldılar.
Açılışta söz alan Komrat Devlet Universitetin rektoru Mariya KARA şükür etti hepsinä, kim çalıştı, ani bölä bir gözäl kultura Merkezi KDU içersindä açılsın deyni. |
|
|
|
UKRAYNADAN ZİHİR GELER
|
|
|
|
|
Ukraynanın Kaluş kasabasında Kırım ayın 23-dä êkologiya katastrofası oldu. Beklener, ani orada Sivka deresinä düşän “gipohlorid kalşiya” dediymiz zihir, Nistru deresinin sularınnan, Moldovaya da zarar edecek.
Açıklanan bilgilerä görä, bu zihirli suyu içtiynän insannarda yangın peydalanêr, başlêêr soluk etişmemää. Zihirin konşentraşiyası büüksa insannarın kanı başlêêr kaurulmaa.
Bu beladan bir iş kurtarır, zehir Moldovaya etişirsä - o suyu içmemää. Ama... genä da var umut, ani o zihir derenin sularında eriyecek. |
|
|
|
BAKANNIK, BEKİM, YARDIM EDECEK
|
|
|
|
|
Kırım ayın (dekabri) 13-dä Moldova çiftçilik Bakanı Anatoliy GORODENKO Gagauziyanın Kiriyet, Avdarma, Tomay hem Kazayak küülerindä bulundu.
Bu küülerin, çiftçilik uurunda işlerinnän tanışıp, bakan adadı, ani, bekim, bakannık tarafından onnara yardım verilecek.
Bundan kaarä bakan A. GORODENKO Çadır kasabasının at fermasınnınnan tanıştı. Bu fermaya Moldova devleti tarafından yardım veriler. |
|
|
HALK YARATMASI (FOLKLOR)
|
ALTIN SÖZLÄR (№12, 2005)
|
|
|
|
|
Daladı dilini.
İslää öküz, ama bir buynuzu yok.
Aması olmasa islää olacek.
Yınadınnan sıçacak erinä.
İdi erinä sıçınca.
Laf lafa açêr.
Götü suumuş, tez ölecek.
Göldä balık pazarlı.
Ozaman görüsün onu.
Ne zaman kulaanın aardını görüsän.
Orda islää, nerdä biz yok.
Eşek olsun, semer koyan burda da var.
Ne fena sıkıştık beegir fışkısı gibi.
Yazılan bozulmas. |
|
|
|
BİLMECELÄR (№12, 2005)
|
|
|
|
|
47. Hergelä taşaa. – O mor patlacän.
48. Popas sopası. – O praso.
49. Kıvrık Petku. – O biber.
50. Pipi yuları. – O papşoy.
51. Alçacık tepä
Cıngırlı küpä. – O mercimek.
52. Alçacık tenä
Zümbürlük küpä. – kires.
53. Bir öküzüm vardır, buynuzlarnı kesmedän sıımayor dama. – O fidan. |
|
|
|
MAANİLÄR (№12, 2005)
|
|
|
|
|
№42
Kız:
Yılan gelir kaçarak,
Yärim gelir üç ayak.
Bizim plana uruldu,
İki gözdän kör oldu.
№43
Olan:
Kaledän indim hasa,
Halvayı bastım tasa.
Benim yärim pek gözäl,
Azbuçuk boyu kısa.
№44
Başçanızda gül var mı?
Gül dibindä yol var mı?
Bu gecelik musaafirim,
Döşeenizdä er var mı?
№45
Maanici başımıysın?
Çayır taşımısın?
Birkaç maani söläsäm,
Cebindä taşırmıysın? |
|
|
|
