Kasım (noyabri) 2005, N 11 (486)
HABERLÄR
|
GEÇMİŞİ UNUDANNARIN GELECÄÄ YOK
|
|
|
|
|
15 yıl tamamnandı nicä 1990-cı yılın Canavar ayın 25-dä Gagauzlara karşı moldovan volontörları örüdü. Ama bu “kara” günü ne Kişinêu ne da Komrat bir türlü nışannamadı. Devletin kanadı altında bulunan presa hem may hepsi özel mediyalar hiç yarım laf ta bu iş için yazmadılar.
Ocaba ne iş için? Nedän korktular? Biz baamsız hem serbest bir devlet diiliz mi? Bu da o devletin bir istoriyası diil mi? |
|
|
|
ANMAK TAŞI KOYULACEK
|
|
|
|
|
1990-cı yılın Canavar ayın 25-30 günnerindä olan olaylarlan ilgili Valkaneştä 2006-cı yılda anmak taşı koyulacek. Bölä karar aldı valkaneşlilär.
Şindilik o erdä, neredä güüsgüüsä geldilär gagauzlar hem volontörlar 2005-ci yılın Canavar ayın 30-da bir nışan taşı koyuldu. |
|
|
|
BAŞKANI HEP TAA HALK SEÇECEK
|
|
|
|
|
Harman ayında (avgust) Gagauziya Halk Topluşun (GHT) deputatları neetlendiydilär Gagauziya Başkanını seçmäk için Kanonu diiştirmää. Konuylan ilgili olarak deputatlar Moldova Prezidenti Vladimir VORONİNä danıştılar.
Onnarlan buluşarkan V. VORONİN açıkladı, ani “Gagauziya Başkanını GHT tarafından seçilmesi için soruşu referenduma çıkarmaa lääzım. Referendumsuz Kanonu bir kimsey diiştirämäz”. |
|
|
|
GAGAUZİYADA GRANATALAR PATLÊÊR
|
|
|
|
|
Kişinêu sud polişiyasının öndercisinin G. KOSOVANın açıklamasına görä Canavar ayın (Oktäbri) 28-dä Gagauziya Halk Topluşu (GHT) Başı Stepan ESİRin auluna bilinmeyän erif(lär) bir el granatası RGD-5 atmış. İrmi beş gün öncä Canavar ayın 3-dä GHT deputatı İliya ÇOLAKın da auluna bir el granatası F-1 attılar. İki patlamakta da hiç bir kimseyä zarar olmadı.
G. KOSOVAN sayêr, ani bu iki olay bir sincirin ekleri olabilir. |
|
|
|
II-ci ALEKSİY MOLDOVADAYDI
|
|
|
|
|
Kasımın 12-13 günneri arası Moldovada Moskvanın hem Bütün Rusiyanın Patriarhı II-ci Aleksiy bulundu. Kişinêu aêroportunda Kendisini, bir devlet Başkanını gibi, Moldova Prezidenti V.VORONİN, parlament Baskanı M.LUPU, premyerministru V.TARLEV hem da Kişinêu hem Moldova mitropolitı Vladimir karşıladılar. |
|
|
|
KOTELNAYA PATLADI
|
|
|
|
|
Kasım ayın 1-dä Valkaneş kasabasının No.7 uşak başçasının yısıdıcı merkezi (kotelnaya) patlamaktan darma-daan oldu. Patlamak ölä kuvetliyadi, ani komşu evlerin pençerä sırçaları kırıldı. Allahtan uşaklara zarar olmadı. |
|
|
|
VALKANEŞLİLERÄ - PARASIZ İMEKLÄR
|
|
|
|
|
Kasım ayın 16-dan beeri Valkaneş kasabasının “Kırmızı Kruça” bölümü bir kantina açtı. Orada hergün 30 kişiya (yaşlı pensionerlar, fıkaara aylelerdän uşaklar) parasız imäk veriler. “Kırmızı Kruça” bölümü imeklär için toplam 5 bin ley (kişiyä 14 ley gündä) harcayacek (2 bin leyi kendi çöbindän, 3 bin leyi da Valkaneş primariyası verdi). |
|
|
HALK YARATMASI (FOLKLOR)
|
ALTIN SÖZLÄR (№11, 2005)
|
|
|
|
|
Kazma da küräk, Bütün yüräk.
Kokêr aazı südä
A isteer çok bilmää.
Buyurun musaafirlär da süpürün bizimkilär.
Siz sesläyiniz, biz susacez.
Hererdä islää, kendi evindä taa islää.
Herbir kuş çekärmiş kendi yuvasına.
Canavar eşek eti idiinän, o erdä yuvarlanırmış bir afta.
Gezer popazın kancıı gibi.
Dooruluk her vakıt iidir.
Balık ilkin başından kokêr.
Hayvanın aazı, dili var, söleyämeer. |
|
|
|
MAANİLÄR (№11, 2005)
|
|
|
|
|
№37
Anteresi teldän, teldän.
Yär beni braayan gidän.
Yär, evel zaman sän diildin.
Vardır seni üüredän.
№38
Pençerenin şişesi,
Gülüp mor menefşesi.
Ödärim, olan ödärim.
Ayacııma düşäsin.
№39
Ak koyun, kara kuzu.
Verin koyuna tuzu.
Çok mala tamah etmeyin,
Verin olana kızı.
¹40
Çok malın dili var,
Sölesä da eri var.
№41
Pençerenin şişesi.
Küçük evin köşesi.
Yakın mumu, araylım,
Yärimä kötek atalım. |
|
|
|
BİLMECELÄR (№11, 2005)
|
|
|
|
|
41. Bir sarı fıçı saplan, dolu içi bir sürü hergeleylän. – O kaun.
42. Kat kat döşek,
Onu bilmeyän – eşek. – O laana.
43. Suuk su içindä kaynamış paça. – O laana.
44. Er altında kırmızı bakır. – O çukundur.
45. Er altında kara bakır. – O trup.
46. Buva taşaa. – O trup.
|
|
|
İNCÄZANAAT
|
