Orak ay (iyul) 2005, N 7 (482)
HABERLÄR
|
KONGAZIN KLİSESİ ENİLENDİ
|
|
|
|
Kongazın klisesi önündä İsus Hristoza küülülerin hem işadamnarın parasınnan bir anmak taşı kuruldu.
|
|
|
|
GAGAUZ RESPUBLİKASININ 15-ci YILDÖNÜMÜ
|
|
|
|
|
Harman ayın (avgust) 19-da 15 yıl tamannanacek nicä gagauzlar kendi baamsız Gagauz Respublikasının kurulması için dünneyä bildirdilär. |
|
|
|
PRİDNESTROVYEYA ÖZEL STATUS
|
|
|
|
|
Orak ayın (iyül) 22-dä Moldova Parlamenti “Dnestarın sol kenarında bulunan küülerin (Pridnestovye) özel hak statusun temelli kuralları için” Kanonu iki okumakta birdän kabletti.
Orak ayın (iyül) 28-dä Moldova Prezidenti Vladimir VORONİN o Kanonu imzaladı.
İi neet adımı Pridnestrovyeda. |
|
|
|
TEMSİLCİLÄR KOMRATA GELDİ
|
|
|
|
|
Gagauziya Başkanı Georgiy TABUNŞÇİK hem GHT Başı Stepan ESİR Gagauziyaya bir vizitlän gelän Evropa Sovetinin erindeki hem regional Kongresin temsilcilerinnän buluştular.
Buluşmakta Gagauziya kanonnarın işlemesi, soţial-ekonomika durumu, vergi politikası gibi soruşlar incelendi. |
|
|
|
GHT BAŞI ŞVEYŢARİYADAYDI
|
|
|
|
|
Geçän ayın 23-26 günneri arası Gagauziya Halk Topluşun Başı Stepan ESİR Şveyţariyanın Jeneva kasabasında olan XII-ci Parlamentarası Pravoslaviye Asambleyasının çalışmasında pay aldı. |
|
|
|
KULTURA BAKANI KOMRATTAYDI
|
|
|
|
|
Moldovanın kultura Bakanı Artur KOZMA Orak ayın (iyül) 19-da Gagauziyanın kultura uurunda çalışannarınnan buluştu. Buluşmakta daymaların-daymalarından olan soruşlar kaldırıldı: zarplataların küçük oldukları, ansamblilerin hem muzeylerin parasal problemaları, kultura binaların remontu, bibliotekalarda kiyat kıtlıı, resim galereyasının açılışı...
Bakan adadı soruşları incelemää hem sökmää. |
|
|
|
“ANA DİLİMİZ” YORTUSU
|
|
|
|
|
48 yıl geeri, Orak ayın (iyül) 30-da 1957-ci yılda Üüsek Sovetin kararınnan Gagauzlara kiril alfavitindä yazı verilmiş.
Şindi Gagauziyada Orak ayın (iyül) 30-zu “Ana Dilimiz” yortusu bakılêr. |
|
|
|
KOMRATIN KENDİ GERBI ARTIK VAR
|
|
|
|
|
Gagauziyanın baş kasabası dünnä devletlerin baş kasabalarınnan bir uura geldi , şindi Komratın da gerbı var.
Komrat kasabasının Soveti, Gerbı resimnemää deyni, bir konkurs açtıydı. O konkursa verilän yaratmaların arasından Sovet karar aldı, ani en islää Gerbı resimcilär A.KOPÇA hem A. YUVARLAK yarattılar. |
|
|
|
SLÖTLAR GENÄ DİRİLER
|
|
|
|
|
Orak ayın (iyül) 5-7 günneri arası Gagauziya gençlerinin asker-patriotik 1-ci slötu oldu. Slötu Büük Vatan cengindä Enseyeşin 60-cı yıldönümünä baaşladılar. |
|
|
|
GAZETA GENÄ ÇIKMAA BAŞLADI
|
|
|
|
|
Kapandan sözdä serbest brakılan, Gagauziyanın juridik departamentinin eski başı İvan BURGUCU “Gagauz Halkı” adlı gazetayı çıkarmaa başladı. Yazık, ani bu gazetada sade adı gagauzça. Kalan materiallar hepsi rus dilindä yazılı. |
|
|
|
VERGİ TOPLAYANNARIN YORTUSU
|
|
|
|
|
Orak ayın (iyül) 1-dä 15 yıl nice tamamnandı Moldovanın vergi toplamak inspekţiyası kuruldu.
Bu yıldönümünnän Gagauziya vergi toplamak inspekţiyasını GHT Başı Stepan ESİR kutladı.
Gagauziya vergi toplamak inspekţiyasının 15 yıl çalışması için onun başı İlya ÇERNEV annattı. |
|
|
|
YAKIT PAALARI GENÄ ÜÜSELDİLÄR
|
|
|
|
|
Her yılın, açan Moldovada Orak vakıdı başlêêr, demeli bereketi toplamaa sıra geler, yakıt satan kuruluşlar hemen paaları üüselderlär.
Bu ayın ortasından benzin paaları 13% (Ai-95 8,2 leydän 9,3 ley oldu), solärkanın 11% (8,1 leydän 9,0 ley oldu) zeedelendi. Bütün zararı gene çiftçilär çeker. Sonu nezaman olacek acaba. |
|
|
HALK YARATMASI (FOLKLOR)
|
MAANİLÄR (№7, 2005)
|
|
|
|
|
№21
Havada uçan kırlangaç
Kuyrucaa ayırıç, ayırıç.
Beni yardän ayıran,
Kan kussun auç, auç.
№22
Altı plattan şal varı.
Çocuk kapuda yalvarı.
Kız sürmeyi aralar,
Çocuk kendini paralar.
№23
Ayna attım çayıra,
Şafkı urdu bayıra.
Bayır üstü kıvırcık,
Çayır içi bürüncük.
№24
Ay farfuri, farfuri,
Bir auç karanfili.
Alsam koysam cöbümä,
Koktursam cänabinä. |
|
|
|
BİLMECELÄR (№7, 2005)
|
|
|
|
|
24. Daadan gelir daliman, – ayı.
Suda-suliman, – balık.
İbiklecä kuş, – horoz.
Köpuklecä taş. – sabun.
25. Fışkı böcää. – O tauk.
26. Çıkırakçılar çekämäz, kuyumcular dökämäz. – O yımırta.
27. Dışarda bir çıırış, bir baarış. Çıktım dışarı, buldum bir top gümüş. – O yımırta.
28. Bir fıçı dolu iki türlü içkiylan. – O yımırta. |
|
|
|
ALTIN SÖZLÄR (№7, 2005)
|
|
|
|
|
Buldukçan bulêr.
Kaşıınnan verer aazına, sapınnan gözlerni çıkarêr.
Delinin kısmeti ya sonundan, ya ilkin.
İplik incä erdän koparmış.
Yaalı isän, sanıysın buynuz mu büvecek?
Kırıldı biraz buynuzları, evel pek büüdüydü.
Baltada bin domuzun mu vardı?
İ ne verisaydini, işlä sımarlasa.
Ekmeeni külä ban da i da sadä kendin olsun, aalemin ekmeenä bakma, çalma kimseydän.
Ne satın alacek o, açan ona çalmak taa islää. |
|
|
|
