Çiçek ay (aprel) 2005, N 4 (479)
HABERLÄR
|
CAN KURTARAN MERKEZİ AÇILDI
|
|
|
|
|
Gagauziya İspolkomu kararına görä Çok Meydan küüyündä “Skoraya pomoşç” (can kurtaran) merkezi açıldı. Burada 13 kişi çalışacek. Komrattan 20 kilometra uzaklıkta bulunan Çok Meydan küülülerinä deyni can kurtaran merkezin açılması verecek kolayını saalık yardımı vakıdında vermää. |
|
|
|
KDUda TAA BİR BİNA OLACEK
|
|
|
|
|
KDU (Komrat Devlet Universiteti) kendisi için eni bir bina düzmää başladı. Bu iş için lääzım olan para, yaklaşık 25,5 milion ley, Moldova bücetindän verilecek. Beş katlı bina KDUnun çok problemalarını çözecek: auditoriyalar, kantina, biblioteka. Umut var binayı üç yılın içindä başarsınnar. |
|
|
|
ENİ ESKİ PREZİDENT
|
|
|
|
|
Çiçek ayın (aprel) 4-dä Moldova Respablikasının Prezidenti enidän seçildi. Vladimir VORONİN için 75 deputat oy verdi. Çiçek ayın 7-dä Vladimir VORONİNın Moldova prezidentliinä inaguraţiyası oldu. |
|
|
|
BARIŞ İÇİN İLK UROK
|
|
|
|
|
II-ci dünnä cengindä Enseyişin 60-cı yıldönümü sebepinnän Hederlez ayın (may) 10-da herbir şkolada faşizmayı enseyişlän ilgili barış uroo olacek. Bu urokta II-ci dünnä cengin veterannarı pay alaceklar. |
|
|
|
BİBLİOGRAFİYASI ÇIKTI
|
|
|
|
|
Gagauzolog, filologiya bilgile-rindä doktor L.A.POKROVSKAYA 80 yaşını tamamnadı. Bu yıldönümünnän ilgili olarak Komrat Devlet Universitetin gagauz filologiya kafedrası onun Bibliografiya kiyadını çıkardı. |
|
|
|
M. FORMUZALA KARŞI DAAVA
|
|
|
|
|
Gagauziyanın prokuraturası bildirdi, ani Çadır kasabasının primarına Mihail FORMUZALa karşı ceza aaraştırması açıldı. Onu kasaba varlıının yannış satmasında kabaatlı bulêrlar. Herliim bu iş aslıya çıkarsa M.FORMUZALı var nicä 15 yılına kapana kapasınnar. |
|
|
|
“ŞARAP KASABASI”
|
|
|
|
|
Prezident Vladimir VORONİNın teklifinä görä Moldovanın üzüm hem şarapçılık Milli institutun topraklarında “Şarap kasabası” (iş hem dinnenmäk merkezi) kurulacek. “Şarap kasabasının” açılışı gelän yılın “Şarap festivali - 2006” yortusunda olacek. |
|
|
|
EVLERÄ ENİ PAALAR
|
|
|
|
|
Moldova Pravitelstvosunun kararına görä evlerin paaları enidän bakılacek hem, belli ki, zeedelene-cek. Pravitelstvo sayêr, ani evlerdän alınan vergilär pek küçük. Eni ev paaları verecek kolayını o vergileri da zeedeletmää. |
|
|
LİTERATURA
İSTORİYA
HALK YARATMASI (FOLKLOR)
|
ALTIN SÖZLÄR (№4, 2005)
|
|
|
|
|
Duvar sana laf sölär mi?
Başladın mı osurmaa, çöz çaaşırlarnı.
Ölü s... peyda olmuş.
Arkası yok.
Yayma çanaanı, çöşmäküülülär gibi.
Masalın saabisi yok.
Götü gidişer.
Dili gidişer.
Gözdür – bakar, candır – istär.
Onu da kim getirecek burayı?
Sıçan zenginin bulgurna sıçêr.
Kendinin etişmedii erä därmiş: mındar.
Piinir – piinir gibi, islää piinir, ama tulumu – köpek tulumu. |
|
|
|
BİLMECELÄR (№4, 2005)
|
|
|
|
|
9. Edi delikli tokmak.
Onu bilmeyän – ahmak. – O kafa.
10. Yarım kaşık
Duvarda yapışık. – O kulak.
11. Saçak altında biyaz tauk. – O diş.
12. İki üün arasında bir duva baarı. – O osuruk.
13. Filiyi çektim,
Tüüleyi soktum. – O öküz.
14. Zevleyi çekersin
Tüüleri koºêrsın. – O öküz. |
|
|
|
MAANİLÄR (№4, 2005)
|
|
|
|
|
№9
Kurşun attım denizä,
Süzüldü çıktı üzä.
Herkez yärini aldı,
Benimki kaldı güzä.
MAANİLERDÄ LAF YARIŞMASI
№10
Adam: Elimdiki şıgara
Düştü kakıldı kara.
Holan türkü bilmäsan,
S... şurdan maskara.
№11
Karı: Baa içindä haşlama,
Haşlamayı taşlama.
Holan türkü bilmäsän,
Bok imää başlama.
№12
Adam: Ahır altında hurma.
Hoş köpeciyim mahkurma.
Attım sana bir çarık,
İ onu çabuk, çabuk. |
|
|
İNCÄZANAAT
|
