Küçük ay (fevral) 2005, N 2 (477)
HABERLÄR
|
MUNİŢİPİYALAR BİRLİİ KURULDU
|
|
|
|
|
Türkiyenin İstanbul kasabasında olan Türk dilindä lafedän devletlerin muniţipiyaların Birliinin halklararası konferenţiyasının çalışmasında Komrat primarı Nikolay DUDOGLU da pay aldı. Konferenţiyadan sora Komrata teklif edildi bu Birlää aza olmaa.
|
|
|
|
EVÄ - PARASIZ!
|
|
|
|
|
Moldova transport Bakannıı aldı karar, ani universitetlerdä hem kolejlarda üürenän studentlar ayda bir kerä evä gidiş-dönüş bileti parasız alaceklar. Bu iş için nekadar para lääzım hem neradän o parayı alaceklar Bakannık açıklamêêr. |
|
|
|
TİKAdan YARDIM
|
|
|
|
|
Kongazda bulunan “S.DEMİREL” adına türk lişeyinä TİKA tarafından orgtehnika yardımı yapıldı. Burada üürenän çocuklara hem kızlara deyni verilän kompyuterlar, printer, skaner üürenmäk proţesında faydalı olaceklar. |
|
|
|
SUDUN 10-cu YILDÖNÜMÜ
|
|
|
|
|
Geçän afta Moldova Konstituţiya Sudu kendi 10-cu yıldönümünü kutladı. Bu olaylan ilgili Kişinövda konferenţiyalar hem başka toplantılar oldu.
Eridir sölemää, ani Konstituşiya Sudunda çok yıllar çalıştı anılmış gagauz yuristı Nikolay Mihayloviç KİSEEV. (Şindi Canabisini Merkez Seçim Komisiyanın azasıdır). |
|
|
|
“GİLYOTİNA” NACAA DÜŞTÜ
|
|
|
|
|
Küçük ayın (fevral) 6-dan beeri Moldovada kuvedä geçti Kanon, angısına görä “Monitorul oficial” gazetasında tiparlanmayan kanonnu dokumentlär gecerli diil. Buna “gilyotina prinşıpi” deerlär. O aktları incelemää deyni başbakannık komi-siyası kuruldu. Edi ay çalışmaktan sora komisiya karar verecek angı dokumentleri tiparlamaa, angı dokumentleri da yok etmää. |
|
|
|
SEÇSİNNÄR BRAKACEKLAR
|
|
|
|
|
Merkez Seçim Komisiyası aldı karar, ani o vatandaşlara, kimin pasportları geçerli diil, hep okadar seçimnerdä pay almaa hak veriler. MSK bildirdi, ani pasportlar salt bu iş için kullanabilinir. |
|
|
HALK YARATMASI (FOLKLOR)
|
BİLMECELÄR (№2, 2005)
|
|
|
|
|
1. Bir horoz öttü, dübüdüs dünnä işitti. – Açan Noy gemidäydi.
2. Min min manala
Dibi kanala
Üç bin çiçeki
Bir laalä. – O yıldızlar hem ay.
3. Bir kuş yaydı kanatlarnı, kuyruunu da üç gün görünmedi. Bir yımırta yımırtladı, da o yımırtayı üz adam kaldıramayor, bir adam kaldırêr. – O bulut. |
|
|
|
MAANİLÄR (№2, 2005)
|
|
|
|
|
№1
Çıbuk urdum çimenä,
Çimenin çiçeçiinä.
İpek olsam, sarılsam
Yärimin belciizinä.
№2
Gecä çıktım dışarı,
Duman deredäydi.
Haçan girdim koynuna,
Kocan neredäydi?
№3
İndim taştan aşaa,
Yaamur baştan aşaa.
Bän kızları sevärim
Yarı beldän aşaa.
№4
Hayda gidelim daaya
Düdüklerin sesinä.
Büün bir karı gördüm,
Bacakları tersinä. |
|
|
|
ALTIN SÖZLÄR (№2, 2005)
|
|
|
|
|
Aalemin tauu ona kaz görüner.
Kuru, ama içi şeytannan dolu.
Bir koyundan iki deri soyulmayêr.
İ beni cänavar!
Kazma aalemä kuyu, zerä kendin düşärsin.
Dalayan köpek aaradıını bulur.
Açan sevinersin, sallasana kuyruunu.
Yaşêêrlar nicä kediylän köpek.
Nicä yaparsan, ölä da bulursun.
Nicä döşärsän, ölä da yatırsın.
Üüsüz yaşı erä düşmäz.
Kamburu sadä mezarlık dorudur.
Büük laf sölämä, ama büük buka yut. |
|
|
|
